किगाली, २८ फागुन । चीनको वुहानबाट गत डिसेम्बरदेखि सुरु भएको कोरोना भाइरस(कोभिड–१९) को संक्रमण विश्वका ११९ देशमा फैलिइसकेको भए पनि अहिलेसम्म एउटा पनि संक्रमण पुष्टि नभएको अफ्रिकी मुलुक रुवान्डाले कोभिड–१९ को संक्रमणबाट बच्नका लागि आवश्यक कदम चालिसकेको छ ।
राजधानी किगालीमा संचालित यात्रु बसमा हात नधोई चढ्न नपाइने नियाँ बनाएको छ । जसका लागि बसपार्कमा यात्रुहरुलाई हात धुनका लागि विशेष व्यवस्था गरिएको छ ।
रुवान्डाको द न्यु टाइम्सका अनुसार रुवान्डाको यस कदमलाई विश्व स्वास्थ्य संगठनका महानिर्देशक ट्रेडोस अडानोम गेब्रेयससले पनि प्रशंसा गरेका छन् । महानिर्देशक गेब्रेयससले ट्वीटमा लेखेका छन्, ‘कोभिड–१९ को रोकथाम र नागरिकलाई सुरक्षित राख्ने यो निकै प्रभावकारी कदम हो । रुवान्डाको तारिफयोग्य कार्य ।’
https://twitter.com/NewTimesRwanda/status/1237048775526547456?ref_src=twsrc%5Etfw%7Ctwcamp%5Etweetembed%7Ctwterm%5E1237048775526547456&ref_url=https%3A%2F%2Fnpkhabar24.com%2Farchives%2F181593
कोभिड–१९ को संक्रमणबाट बुधबार दिउँसोसम्म ४ हजार ३ सयको मृत्यु भइसकेको छ । त्यस्तै एक लाख १९ भन्दा बढीमा संक्रमणको पुष्टि भएको छ । त्यसमध्ये ६६ हजारभन्दा बढी निको भइसकेका छन् ।