उर्लाबारी, कोरोना भाइरसले विश्वव्यापी महामारीको रुप लिन थालेपछि बजारमा माक्सको अभाव शुरु भएको छ ।
स्थानीयस्तरमा अभाव पुर्ति गर्नका लागि उर्लाबारी ५ स्थित सगरमाथा ब्याग उद्योगले माक्स उत्पादन शुरु गरेको छ । सो उद्योगले मुलतः कपडाबाट बनाइएको माक्स उत्पादन गर्न शुरु गरेको छ । बजारमा माक्सको अभाव भएपछि माक्स उत्पादन शुरु गरिएको उद्योगका सञ्चालक सुबोध भण्डारीले बताए ।
सो उद्योगले दैनिक एक हजार माक्स उत्पादन गर्ने जनाएको छ । बजारमा उपभोक्ताको मागलाई मध्येनजर गर्दै सुपथ मूल्यमा माक्स बिक्री गर्ने सञ्चालक भण्डारीको भनाई छ ।
हाल विश्वभर कोरोना भाइरस (कोभिड १९) को संक्रमण बढेसँगै माक्सको माग पनि बढेको छ । नेपालमा पनि माक्सको कृतिम अभाव दैनिक बढ्दो छ । बजारमा माक्सको अभाव न्युनिकरणमा टेवा पुर्याउने हेतुले माक्सको उत्पादन थालिएको भण्डारी बताउछन् ।
