उर्लाबारी । धिमाल जातीय विकास केन्द्रका केन्द्रीय सदस्य तथा अठियाबारी गाउँ टोल समितिका इन्चार्ज रामप्रसाद धिमाल आफ्नै समूदायको विद्यार्थी मन्चका महासचिव सुनिल धिमालबाट कुटिएका छन् ।
रामप्रसादलाई कुट्ने मञ्चका महासचिव सूनीललाई निलम्बन गर्दै संस्थाको कुनै पनि तहमा २ कार्यकाल रहन नपाउने गरी कारवाही गरेको छ । छैठौं महाधिवेसनको पूर्व सन्ध्यामा टोल समितिबाट प्रतिनिधि चयनका क्रममा राम र सुनील बीच दरार उत्पन्न भएपछि महासचिव सूनीलले रामप्रसादलाई रामधुलाई गरेका हुन् । सूनील संविधान सभा सदस्य पर्तमान धिमालका छोरा हुन् भने रामप्रसाद समाजवादी पार्टीका स्थानीय नेता हुन् ।
चैत ३ गते सोमबार धिमाल जातीय विकास केन्द्र, केन्द्रीय सचिवालयको आकस्मिक बैठकले आक्रमणको भत्र्सना गर्दै, आक्रमण गर्ने धिमाल विद्यार्थी मन्चका केन्द्रीय महासचिव सुनिल धिमाललाई पदबाट निलम्बन गर्दै संस्थाको कुनै पनि तहमा २ कार्यकाल रहन नपाउने गरि कारबाही गरेको हो । केन्द्रका अध्यक्ष तेजबहादुर धिमाल र महासचिव केदार धिमालद्वारा जारि विज्ञप्तीमा सो घटनालाई उत्तेजित बनाउने मोरङ जिल्ला सदस्य धनराज धिमाललाई समेत निलम्बन गर्दै १ कार्यकाल संस्थाको कुनै पनि पदमा रहन नपाउने गरि कारबाही गरिएको छ ।
त्यस्तै अठियाबारी टोल समितिका साधारण सदस्य अनिल धिमाललाई समेत १ कार्यकाल संस्थाको कुनै पनि पदमा रहन नपाउने गरि कारबाही गरिएको छ । विज्ञप्तिमा केन्द्रीय सदस्यलाई आक्रमण गर्ने सुनील धिमाललाई कानुनी कारबाही समेत माग गरिएको छ । त्यस्तै बर्खास्तमा परेका सुनिल धिमालले समेत प्रेस विज्ञप्ती जारी गर्दै घटनामा केन्द्रीय सदस्यलाई हात लाग्न गएकोमा क्षमा याचना गरेका छन् । बर्खास्तमा परेका सुनील नेकपा उर्लाबारी नगर समितिका सदस्य, अनेरास्ववियु मोरङका सदस्य एवं उर्लाबारी बहुमुखी क्याम्पसका स्ववियु सचिव समेत हुन् । त्यस्तै धनराज धिमाल उर्लाबारी नगरपालिकाको कार्यपालिका सदस्य हुन् । आक्रमण गर्ने सुनील धिमाललाई इलाका प्रहरी कार्यालय, उर्लाबारीले मङ्गलबार नियन्त्रणमा लिएर बुधबार छोडेको छ । सुनीलको बचाउका लागि नेकपाका स्थानीय नेताहरुले इलाका प्रहरी कार्यालयलाई नीजि अण्डा नै बनाएका थिए । त्यस्तै पिटाई खाने रामप्रसाद समाजवादी पार्टीका केन्द्रीय सदस्य समेत रहेकाले समाजवादी पार्टीका स्थानीय नेताहरु पनि प्रहरी कार्यालय पुगेका थिए ।
घटनाको नालीबेली
धिमाल जातिय विकास केन्द्र, अठियाबारी गाउँ टोल समितिको छैठौं साधारण सभा, केन्द्रका केन्द्रिय अध्यक्ष तेजबहादुर धिमालको प्रमुख आतिथ्यतामा उर्लाबारी ८, अठियाबारी स्थित सामुदायिक बाल केन्द्रका भएको थियो । साधारणसभाबाट नेतृत्व समेत चयन गर्नु पर्ने भएकाले अध्यक्ष र सचिव पदबाहेक सबै पदमा पदाधिकारीहरू सर्वसम्मत निर्वाचित भए ।
अध्यक्षमा लेखलाल धिमाल र अनिल धिमाल, सचिवमा नेचिमाया धिमाल र खेमराज धिमालले उम्मेदवारी दिएपछि सहमति जुट्न सकेन । अध्यक्ष र सचिवले केन्द्रीय अधिवेशनमा मतदान गर्न पाउने ब्यवस्था छ । त्यसैले महाधिवेशन हुने वर्ष अध्यक्ष र सचिव बन्न निकै जोडबल लगाउने गर्छन् । सहमति नजुटेपछि निर्वाचन समितिले चैत १ गते निर्वाचन गराउने सुचना जारी गर्यो । त्यसपश्चात निर्वाचन तयारी गर्नु पर्ने भएकाले साधारण सदस्यको रसिद माग गरिएको थियो । तत्कालिन टोल समिति संग भएको रसिद प्राप्त भएको भएपनि, केन्द्रीय सचिव कविराज धिमाल र केन्द्रीय सदस्य रामप्रसाद धिमालले धिमाल विद्यार्थी मन्चका महासचिव सुनिल धिमाललाई दिएको ६१२२ देखि ६१५०, ७४५१ देखि ७५००, ८५५१ देखि ८६०० नम्बरको रसिद निर्वाचन समितिले प्राप्त गर्न सकेन । निर्वाचन समितिले त्यहि कुरा केन्द्रीय समितिलाई जानकारी गरायो ।
त्यस लगत्तै अध्यक्षका उम्मेदवार लेखलाल धिमाल र सचिवका उम्मेदवार खेमराज धिमालले तत्कालिन टोल समितिले बुझेको रसिदमा अध्यक्षका प्रत्यासी अनिल धिमाल साधारण सदस्य समेत नभएकोले र सचिवका उम्मेदवार नगर सदस्य भएकाले उम्मेदवारी रद्ध गरि पाउँ भनी निर्वाचन समितिमा निवेदन पेश गर्यो । यी सबै घटनाक्रम भएपछि धिमाल जातीय विकास केन्द्रले केन्द्रीय पदाधिकारी बैठकको आब्हान गर्यो । पदाधिकारी बैठकले टोल समितिलाई दिनु पर्ने साधारण सदस्यताको रसिद गलत मान्छेलाई दिएको भन्दै केन्द्रीय सचिव र अठियाबारी गाउँ टोल समितिका इन्चार्ज समेत रहेका केन्द्रीय सदस्यलाई सचेत गरायो । साथै रसिद नं. ६१२२ देखि ६१५० सम्मको र ७४५१ देखि ७५०० सम्मको रसिदमा संस्थाको छाप नलागेको भन्दै त्यसलाई खारेज गरेर चैत १ गते नयाँ सदस्यता वितरण गर्ने र चैत ३ गते निर्वाचान गर्ने मिति तोक्यो ।
सचिवका उम्मेदवार नेचिमाया धिमाल, उर्लाबारी नगर समितिको सदस्य समेत भएकाले नगर सदस्यबाट राजिनामा दिएर निर्वाचनलाई सहज बनाउन निर्वाचन समितिका अध्यक्ष कुमार धिमालले पटक पटक मौखिक आग्रह गर्यो । नेचिमायाले निर्वाचनको सम्पुर्ण तयारी पुरा भएपछि नगर अध्यक्ष नारायण धिमाललाई राजीनामा पत्र थमाएका थिए । अन्तिम समयमा राजीनामा आएकाले तत्काल स्विकृती गर्न नसकिने र सचिव पदका उम्मेदवार नेचिमायाको उम्मेदवारी खारेज हुनु पर्ने भन्दै अठियाबारी गाउँटोल समितिका निवर्तमान अध्यक्ष समेत रहेका उर्लाबारी नगर समितिका अध्यक्ष नारायण धिमालले निर्वाचन समितिमा दबाव दिन थाले । सो अवधिमा निर्वाचन आचारसंहिता र निर्वाचन कार्यविधि बारे निर्वाचन समिति र निर्वाचन प्रतिनिधि बीच छलफल र हस्ताक्षर भइसकेको थियो । समस्या आएपछि निर्वाचन समिति र उम्मेदवारहरु बीच छलफल गराउनु पर्ने आवश्यकता महशुस भएकाले छलफल बोलाएको थियो । सो छलफलमा अनिल धिमाल पक्षको टावर पर्सनको रुपमा चिनिएका विद्यार्थीका महासचिव सुनील धिमाल, धनराज धिमाल, अनिल धिमाल, नारायण धिमाल, लेखलाल धिमाल र निर्वाचन समिति बिच छलफल सुरु भयो । छलफलका क्रममा अनिल धिमाल, सुनिल धिमाल, नारायण धिमाल, धनराज धिमाल बिच चर्काचर्कि भयो । सोहि बेला विद्यार्थीका महासचिव सुनिल धिमालले चुपचाप बसिरहेका केन्द्रिय सदस्य रामप्रसाद धिमाललाई सबै समस्या गर्ने तपाई हो भन्दै गालामा चड्कन लगाएका थिए । त्यस पश्चात त्यहाँको माहोल बिग्रिएको थियो । घटनाको जानकारी लिन धिमाल जातिय विकास केन्द्रले केन्द्रीय सचिवालय समितिको बैठक बोलाएको थियो । केन्द्रीय पदाधिकारीले निर्वाचन समिति र विभिन्न तहमा काम गर्नेहरुसँग घटनाबारे जानकारी र आवश्यक राय बुझेर सो निर्णय लिएको थियो ।
https://www.youtube.com/watch?v=4_GSEYx4JAY&t=2s
