काठमाडौं । सरकारका प्रवक्ता तथा अर्थमन्त्री युवराज खतिवडाले कोभिड-१९ का कारण वैदेशिक रोजगारमा जान नपाएका युवाहरूलाई सरकारले स्वदेशमै रोजगारीको अवसर दिने बताएका छन् । सञ्चार मन्त्रालयमा आयोजित पत्रकार सम्मेलनमा मन्त्री खतिवडाले उक्त कुरा बताएका हुन् ।
कोभिड-१९ को संक्रमण हुन सक्ने जोखिमलाई हेरेर विदेश जान र विदेशबाट आउन रोकिएको भन्दै श्रम मन्त्रालय अन्तर्गतको प्रधानमन्त्री रोजगार कार्यक्रममार्फत रोजगारी उपलब्ध गराइने उनको भनाई थियो ।
काम गर्ने चाहने व्यक्तिले नाम सूचीकृत गर्नुभयो भने सरकारले त्यस्ता व्यक्तिलाई रोजगारी दिइने उनको भनाई छ ।
मन्त्री खतिवडाले सानो ठूलो काम नभन्न पनि आग्रह गरेका छन् । श्रमको अवसर जुटाउन सो कुरा लागू गर्न छलफल अघि बढिसकेको उनले बताए ।
