मिक्लाजुङ, ८ माघ । दीपज्योति युवा क्लब मधुमल्लाको आयोजनामा जारी प्रथम मिक्लाजुङ अन्तर विद्यालय छात्र÷छात्रा फुटबल प्रतियोगिता अन्र्तगत आजको खेलमा टाँडी मावि र कालिका मावि विजयी भएका छन् ।
मधुमल्लास्थित मनोहर जनता माविको खेल मैदानमा भएको छात्रातर्फको खेलमा मनोहर जनता माविलाई २ – ० गोल अन्तरले हराउँदै टाँडी मावि मिक्लाजुङ १ विजयी भएको हो । यस्तै आजै भएको छात्रतर्फको खेलमा टाँडी माविलाई २ – ० ले हराउँदै कालिका मावि मिक्लाजुङ ३ विजयी भएको छ । प्रतियोगितामा भोली छात्रतर्फ दोश्रो चरणका खेल हुने भएका छन् । भोली हुने छात्रतर्फको खेलमा सेमिफाईनल प्रबेशका लागि कालिका मावि र रिलायन्स अंग्रेजी मावि मिक्लाजुङ ७ बीच प्रतिस्पर्धा हुनेछ । यस्तै भोली नै छात्रातर्फको खेलमा बक्राहा मावि मिक्लाजुङ ६ र रिलायन्स अंग्रेजी माविबीच प्रतिस्पर्धा हुने खेल संयोजक नेत्रप्रसाद दाहालले जानकारीदिनु भयो ।
