चैत ९, पथरी ।
मोरङको पथरी शनिश्चरे नगरपालिकाको वडा नम्वर १ मा एटिम सेवा संचालन गर्ने ६ वटा बैकहरु रहेका छन् ।
ति ६ मध्येको सरकारी स्वामित्वमा रहेको नेपाल राष्ट्रिय वाणीज्य बैकको एटिएमा भने सेनिटाइजर र टिसु पेपर भेटिएको छैन ।
विश्वव्यापी महामारीको रुपमा फैलिएको कोरोना भाइरसका कारण अन्य सेवा बन्द भएपनि बैंकिङ्ग सेवा बन्द नहुने सरकारले घोषणा गरेको छ ।
तर त्यही सरकारको स्वामित्वमा रहेको बैंकको एटिम मेसिनहरुमा भने कोरोना संक्रमण बाट बचाउन प्रयोग गरिने सेनिटाइजर र टिसु पेपर भने देखिदैन ।
संक्रमणको बेला सर्वसाधरणलाई आर्थिक संकट नपरोस भनेर नै नेपाल सरकारले बैंकिङ्ग सेवा बन्द नगर्ने घोषणा गरेको भएपनि एटिएमको प्रयोग बाट संक्रमण फैलन सक्ने भन्दै त्यसप्रति सम्वधित निकाएको ध्यान जान नसकेको सर्वसाधरणको भनाई रहेको छ ।
एटिएम प्रयोगको माध्यमबाट कोरोना संक्रमण फैलन सक्ने समाचार शनिवार प्रकाशन भए सगै निजी स्तरका बैकहरुले एटिएमको छेउमा हेन्ड सेनिटाइजर र टिस्यु पेपर राखेका छन् । तर सरकारी स्वामित्वमा रहेको बैकमा भने देखिएको छैन ।
एटिएम सेवा प्रयोग कर्ताहरुले एटिएमको ढोका खुल्दा मेसिनको प्रयोग गर्दा खुल्ला हातको प्रयोग गर्ने भएको हुँदा संक्रमित व्याक्तिले सो कुराको प्रयोग गरेको खण्डमा स्वस्थ्य व्याक्तिलाई सर्ने सक्ने सम्भावना उच्च रहेको भएपनि वाणीज्य बैकले भने त्यस प्रति ध्यान नदिएको भेटिएको छ ।
नेपाल राजपत्रको १५ नम्बरमा बैंकिङ सेवा र १६ नम्बरमा बीमा सेवालाई अत्यावश्यक सेवामा राखिएको छ ।
साथै सरकारले चैत ९ गतेदेखि चैत २१ गतेसम्मका लागि नेपाल राजपत्रमा प्रकाशन गरिए अनुसारका अत्यावश्यक सेवा बाहेकका अन्य सबै सेवाहरु बन्द गरेको छ ।
