काठमाडौं । चैत १० गते रोग , व्याद , भुत , पिसाच र मानिसमा हुने अदृश्य संक्रमण रोकथाम एवं निर्मुल पार्ने दिन भएकाले आफ्नो घरमा भएका ध्वनि उत्पन्न हुने साधन बजाउने चलन छ।
आफ्नो संस्कृति अनुसार शंख बजाउँदा सुक्ष्म जिवाणु र किटाणु नष्ट हुने मान्यता रहेकाले भक्तपुर जिल्ला सूर्यविनायक नगरपालिका वडा नं ५ मा शंख बजाइयो। साथै सरकारले गरेको निर्णय अनुरुप लकडाउनलाई स्वागत गर्दै कोरोनाको त्रास फैलिएको अवस्थामा सतर्क रहन आहवान गर्दै नेपाली कांग्रेस सूर्यविनायक नगरपालिका वडा नं ५ का वडा सभापति राजु ढुंगेल एवम् तरुण दलका युवा नेता सुघोष ढुंगेलको आपिलमा सम्पूर्ण कटुन्जे वासीले आआफ्नो घरको छतबाट शंख बजाएका छन्। जमीनमुनि गाभिएर बसेका भैरव- सुशील भैरवले रक्षा गर्छन् भन्ने जनविशवास रहेकोले भैरव को समेत आराधना गरेका छन्। कटुञ्जेलाई कोरोनाको संक्रमणबाट जोगाउन लकडाउनको समर्थन गर्दै आफू सतर्क रहन आहवान गर्दै शंख बजाइएको हो।
