कुमार खड्का
चैत ११, पथरी ।
फ्रान्सबाट नेपाल आएकी एक युवतीमा कोरोना भाइरसको संक्रमण देखिएपछि सोही जहाजमा कतार बाट काठमाडौं आएका पथरी शनिश्चरेका एक व्याक्तिलाई मोरङको टाँडीमा रहेको क्वारेन्टाइनमा भर्ना गरिएको ।
चैत ४ गते कतार एयरवेजको क्युआर ६५२ उडान मार्फत ति युवती सगै उनी कतार बाट नेपाल ओर्लिएका थिए ।
कतारमा बाहिर निस्केका बेला कतार प्रहरीले आफुलाई पक्रेर नेपाल पठाईदिएको धिमालले बताए ।
त्यसको ८ दिन पछाडी उनि मंगलवार वडा अध्यक्ष जय बहादुर तामाङको सम्पर्कमा आएका हुन । उनलाई मंगलवारनै टाडीको क्वारेनटाईन पठाईएको भर्ना गरिएको छ ।
सम्पर्क आएका व्यक्ति मोरङ पथरी शनिश्चरे नगरापालिका वडा नम्वर ६ भातेगौडाका वर्ष ५० का धिमाल थरका हुन । मंगलवार सम्पर्कमा आएपछि धिमाललाई क्वारेनटाईन पठाईएको वडाध्यक्ष जय बहादुर तामाङले बताए ।
पारिवारीक स्रोतका अनुसार अहिले सम्म उनमा त्यस्तो कुनै स्वास्थ्य समस्या नआएको बताइएको छ ।
अहिले उनलाई मात्र क्वारेनटाईन लगिएको छ भने अन्य परिवारका सदस्यलाई घरमै सुरक्षित रहन आग्रह गरिएको छ ।
चैत ४ गते फ्रान्सबाट फर्किएकी काठमाडौं घर भएकी युवतीमा कोरोना संक्रमण देखिएको थियो । उनि सगै यात्रा गरेका १२५ यात्रुहरुको पहिचान भईसकेको छ ।
