उर्लाबारी नगरपालिकाका मेयर खड्ग फागोले कोभिड–१९ सङ्क्रमणको प्रकोप नियन्त्रणभन्दा बाहिर जान नदिन नेपाल सरकारले हाललाई एक साताका लागि गरेको लकडाउनको पूर्ण पालना गर्न नगरवासीसँग अनुरोध गर्नुभएको छ ।
नेपाल सरकारको उक्त निर्णय समयसापेक्ष भएको उल्लेख गरेको छ । उर्लाबारी नगरपालिकाका सम्पूर्ण नगरवासीलाई यस विषम परिस्थितिमा धैर्य गर्दै कोभिड–१९ विरुद्धको महाअभियान सफल पार्न र यसबाट विजय हासिल गर्न घरमै बसेर सहयोग गरिदिनुहुन अनुरोध गर्दछु उहाँले भन्नुभयो, आफ्नो स्वास्थ्यको लागि सचेत हुन आवश्यक छ , ”
सरकारको निर्देशनको वेवास्ता गरी घरबाहिर जाने, समूहमा जम्मा भइ गफ गर्ने जस्ता लापरवाही नगर्न उहाँको सबैमा अनुरोध छ । विदेशबाट आएका व्यक्ति टोल छरछिमेकमा भएमा स्थानीय निकाय, जनप्रतिनिधि वा सुरक्षा निकायलाई खबर गरिदिन पनि उहाँले आग्रह गर्नुभयो । विश्वका केही मुलुकको सानो लापरवाहीले ठूलो दुर्घटना निम्तिएको स्मरण गर्दै संयमता अपनाउनु पर्छ,
उहाँले भन्नुभयो, कोरोनाका बारेमा आधिकारिक संस्था नेपाल सरकार र विश्व स्वास्थ्य सङ्गठनका सूचनामा मात्रै विश्वास गर्न होला ।
उर्लाबारी बजार् यतिवेला सुनसान छ भने कालोजारी बढेको बताईन्छ ।
