एजेन्सी । विश्वमा दिनहुँ केही न केही अनौठा घटना घटिरहेका हुन्छन् । बेलायतमा कोरोनासँग जोडिएको अनौठो घटना सार्वजनिक भएको छ ।
कोरोना भाइरसले अहिले विश्वलाई निकै त्रसित बनाइरहेको समयमा बेलायतका एक विवाहित युवा पत्नीलाई छलेर आफ्नी गर्लफ्रेन्डसँग घुम्न गए । त्यसरी घुम्न जाँदा उनलाई कोरोना भाइरसको संक्रमण भएको पाइएको छ ।
द सनले बुधबार प्रकाशन गरेको यो रिपोर्टअनुसार ती युवाले पत्नीलाई आफू बाहिर काम परेकाले जान लागेको बताएका थिए । तर, उनी प्रेमिकासँग इटाली पुगेका रहेछन् । पछि प्रहरीले सोधखोज गर्दा यो थाहा भयो ।
अहिलेको स्वास्थ्य स्थितिका कारण आफूले यस विषयमा केही नभनेको ती युवाकी पत्नीले बताएकी छिन् ।
