काठमाडौं । बुधबार बिहानदेखि बिहीबार बिहानसम्मको २४ घण्टा काठमाडौं उपत्यकामा सडक दुर्घटना भएन । यो खुशीको कुरा हो ।
लकडाउनको दोस्रो दिन भए पनि फाटफुट सवारी गुडे । लुकीछिपी पनि भित्री बाटोमा पनि सवारी चले । मुख्य सडकमा पनि जवरजस्ती गर्न खोजे ।
नियमितजसो काठमाडौं उपत्यकामा दुर्घटना हुँदै आएको छ । काठमाडौं उपत्यकामा लामो समयपछि पहिलो पटक बुधबार कुनै पनि दुर्घटना भएन ।
ट्राफिक प्रहरी महाशाखाका फिल्ड अधिकृत प्रहरी निरीक्षक शंकर श्रेष्ठले कुनै दुर्घटना नभएको पुष्टि गर्दैै लकडाउनको पालना भएको बताए ।
उनका अनुसार बिहीबार बिहान सडकमा सवारी साधनको चाप कम छ । ठप्प प्रायः नै छ । विशेष पास लिएका काम विशेषले केही मोटरसाइकलहरु निस्किएका छन् ।
लकडाउनको फाटफुटबाहेक प्रभाव राम्रो छ । कहिलेकाहिं लकडाउनको अपहेलना गरेको पनि पाइएको छ ।
बुधबार ९१ जनालाई नियन्त्रणमा लिएर सम्झाइबुझाइ गरेर कबुलनामा गराएर छाडिएको छ ।
विशेष पास भएकाहरु पनि दुरुपयोग गरेर चलाइएको पाइएको ट्राफिक प्रहरीले जनाएको छ ।
