उर्लाबारी । उर्लाबारी नगरपालिकाका मेयर खड्ग फागो कोरोनाबाट बच्न जनचेतना जगाई रहनुभएको छ । आफैं सडकमा निस्किएका फागोले शुक्रवार माक्स नलागाई हिडेकालाई माक्स लगाउन अनुरोध गर्नुभयो । उर्लाबारीका पसलमा तिन परबाट मात्र समान किन्ने भनेर चिनो समेत लगाउँदै ब्यापारीहरुलाई मुल्य सुचि मार्फत बेच्न अनुरोध गर्नुभयो ।
सडकमा अहोरात्र खटिएका प्रहरीलाई खाजा पानी समेत बोकेर आफै पुग्नुभएको थियो ।
जनचेतनालाई अटेर गरे उर्लाबारीवाशी सबै मृत्युको मुखमा पुगिने भन्दै यस्ता कुरामा हेलचेक्राई गर्न नहुने बताउनुभयो ।
उर्लाबारी नगरपालीकाले ज्यलादारी गर्ने मजदुरहरुको लागि राहत संकलन तथा वितरण अभियानलाई तिव्रता दिएको छ ।
नगर प्रमुख खड्ग फागोले कोभिड–१९ को संक्रमण फैलिन सक्ने त्रासका कारण नेपाल सरकारले चैत्र ११ गते देखि १८ गते सम्मको अवधीलाई लकडाउन घोषणा गर्नुभएदेखि दैनिक ज्यालादारी गरेर जिवीकोपार्जन गर्ने मजदुर प्रभावित बनेका भन्दै उर्लाबारी तथा अन्य क्षेत्रमा बसोबाँस गर्ने सहयोगी मनहरु सगँ सहयोग संकलन तथा दैनिक ज्यालादारी गरी जिवीकोपार्जन गर्ने मजदुरहरुलाई राहत वितरण गर्दै आउनुभएको छ ।
https://www.youtube.com/watch?v=QwPi2TGVG5c&feature=youtu.be&fbclid=IwAR3Pp1N5BZP4yjtbMeROv36NNHMdWabivMLXPP55ABdIV295Um7eyqZDZDQ
यसैक्रममा शुक्रबार नगरका १ र ३ नं. वडामा मजदुरको बसोबाँस स्थलमा पुगेर नगर प्रमुख फागो सहितको टिमले मजदुरलाई औसधी सहित दैनिक उपभोग्य सामग्री २५ केजी चामल ,दाल,नुन लगायतका सामग्री वितरण गरेका हुन । दुई दिनमा १ सय ५० बढी मजदुरलाई राहत वितरण गरीएको छ ।
