उर्लाबारी, ९ माघ । मोरङको उर्लाबारी – २ स्थित हेमचन्द्र थापाको घरमा आज बिहान आगलागी हुँदा रु १५ लाख बराबरको क्षति भएको छ ।
बिहान ९ : ३० बजे बिधुत चुहावट भएर घरमा आगलागी हुँदा उहाँको टिनको छाना भएको काठको बेरा लगाएको एक तले घर जलेर नष्ट भएको हो ।
आगलागीबाट घर र घरभित्र रहेका धान, मकै, भाडावर्तन, लत्ताकपडा लगायत जलेर नष्ट हुँदा रु १५ लाख बराबरको क्षति भएको इलाका प्रहरी कार्यालय उर्लाबारीका प्रहरी निरीक्षक चन्द्रबहादुर थापाले जानकारी दिनुभयो । आगोलाई दमकल, प्रहरी र स्थानीयबासीको सहयोगमा एक घण्टापछि नियन्त्रणमा लिईएको थियो ।
