काठमाडौं–कोरोनाको कहरका बीचमा प्रधानमन्त्री केपी शर्मा ओलीले गरेको बहुप्रतिक्षित सम्बोधन पनि कोरा भाषणमै सीमित भएको छ । देशवासीका नाममा बालुवाटारबाट नेपाल टेलिभिजनमार्फत प्रधानमन्त्री ओलीले सम्बोधन गरेका थिए ।
सम्बोधनकोे दौरान ओलीले सरकारविरुद्ध बेमौसमी प्रजारबाजी भैरहेको बताए । चैत ७ गतेको सम्बोधनमा भन्दा खास नयाँ कुरा गर्न नसकेका प्रधानमन्त्री ओलीले सरकारले भ्रष्टाचारीलाई नछाड्ने पुरानै कुरा दोहोर्याए । सञ्चारमाध्यमको आलोचना गरेका प्रधानमन्त्री ओलीले गरिब जनता लक्षित कुनै घोषणा गरेनन् ।
सरकारलाई लागेको भ्रष्टाचार आरोपको प्रतिवाद गरेका प्रधानमन्त्री ओलीले अझै केहीदिन सारोगार्हो झेल्न जनतालाई आग्रह गरेका छन् । ओलीको सम्बोधन सकिए लगत्तै सामाजिक सञ्जालमा आयोजना सुरु भएको छ।
