बेलवारी संवाददाता
मोरङको बेलवारी स्थीत रहेको श्रमिक महिला समुह स्थापनाको छोटो समयमा नै निकै लोकप्रिय बन्दै गएको छ । स्थानीय महिलाहरुको हकहित र क्षमता अभिबृद्धि गर्ने उद्देश्यका साथ स्थापना भएको यस समुह प्रकृतिक बिपत्तिमा परेका परिवारलाई सहयोग देखी लिएर निम्न आयवर्गका बालबालिकाको पठनपाठन लाई समेत ध्यानमा राखेर शैक्षिक सामाग्री सहयोग गर्दै आएको छ ।
२०७५ सालमा स्थापना भएको यस समुहमा ६० जना सदस्य रहेका छन् जसमध्ये नितु थापा कोईरालाको अध्यक्षतामा १३ जनाको कार्यसमिती छ । यसै समितिको सहयोगमा र अन्य महिला दिदिबैहिनी हरुको सहयोगमा बिभिन्न सिप सिकाई तथा चेतनामुलक कार्यक्रमहरु समेत गर्दै आएको समुहकी अध्यक्ष नितु बताउछिन् ।
मुलुक यतिबेला कोरोना भाइरसको महामारीबाट उत्पन्न जटिल अवस्थाको कारण इतिहासकै सर्वाधिक कठिन मोडबाट गुज्रीरहेको र विश्वका अधिकांश मुलुकहरू यस महामारीको संक्रमणबाट आक्रान्त भईरहेको उनि बताउछिन् । संक्रमणको कारणले देश धेरै दिन देखी लकडाउनमा भएको र दैनिक ज्यालादारी मजदुर परिवारको लागी यस समुहले ५५ परिवारलाई राहत स्वरुप खाद्यान्न उपलब्ध समेत गराएको नितु बताउछिन् । अगामी दिनमा यस समुहलाई अझ सशक्त बनाउदै हरेक श्रमिक महिलाको पक्षमा उभिने नितु बताउछिन् ।
