महेन्द्र थेगिम
टाँडी । कोरोना भाइरस संक्रमण रोकथाम तथा नियन्त्रणकाल लागि मिक्लाजुङ गाउँपालिका वडा नम्बर ५ का वडा अध्यक्ष र सदस्यहरु आफ्नो तलब सुविधाबाट वडावासीलाई माक्स वितरणका साथैं स्वास्थ्य परिक्षण गराईदिएका छन् ।
मिक्लाजुङ गाउँपालिका वडा नम्बर ५ का अध्यक्ष रुद्रप्रसाद लिङ्देन अनिल, वडा सदस्य कुमारी मगर,चन्द्र धमाला,गंगा राई र फुलमाया नेपाली वडावासीलाई कोरोनाबाट जोगाउन वडा स्वास्थ्यकर्मी सहित घरघर पुगि स्वास्थ्य जाँच गर्दै माक्स बितरण गरेका हुन् ।
अध्यक्ष लिङ्देनले दुई महिनाको सेवा सुविधाको तबलभत्ता र सदस्यहरुले एक महिनाको सुविधाबाट उक्त सहयोग गरेका हुन् ।
तिन ४ हजार व्यक्तिको स्वास्थ्य चेकजाँच गर्दा केहिमा नर्मल ज्वरो बाहेक सबैको स्वास्थ्य फिट एण्ड फाईन देखिएको थियो ।
सोहि अबसरमा जनप्रतिनिधीहरुले कोरोना भाईरसबाट बच्न साबुन पानीले मिचिमिची हातधुने,क्वारेन्टाइनमा बस्ने लगायतको विषयमा सचेतना समेत दिएको र साबुन पानीले हात धुने भनेर सिकाएका थिए
वडा अध्यक्ष अनिलले जनताले आफ्नो सेवा गर्न जिताएकोले माहामारीमा सेवा सुविधाको लोभ नगरी सहयोग गरेको बताए ।
