एजेन्सी । कोरोना भाइरस (कोभिड-१९) का कारण पछिल्लो समय अमेरिका निकै प्रभावित भइरहेको छ । कोरोनाबाट अमेरिकामा एकै दिन विश्वमै अहिलेसम्ममै बढी मृत्यु भएको छ ।
अमेरिकाको जोन हप्किन्स विश्वविद्यालयका अनुसार त्यहाँ शुक्रबार मात्रै २१ सय ८ जनाले कोरोनाको संक्रमणबाट ज्यान गुमाएका छन् ।
अहिलेसम्म विश्वमा सबैभन्दा धेरै इटलीमा कोरोनाबाट मान्छेले ज्यान गुमाएका छन् । इटलीमा यो खबर तयार पार्दासम्म कोरोनाबाट १८ हजार ८ सय ४९ ले ज्यान गुमाइसकेका छन् । यस्तै अमेरिकामा अहिलेसम्म १८ हजार ७६९ जनाको ज्यान गएको छ ।
संसारमै सबैभन्दा बढी संक्रमितको संख्या भएको अमेरिका मृत्युका हिसाबले पनि सबैभन्दा बढी क्षति बेहोर्ने अनुमान गर्न थालिएको छ ।
