उर्लाबारी । उर्लाबारी हङकङ परिवारले नमूना बाल गृहलाई १ लाख ३ हजार बराबरको खाद्यान्य, ग्याँस र स्कूल डे«स सहयोग गरेको छ ।
आज उर्लाबारी परिवार हङकङका संस्थापक अध्यक्ष पूर्ण वाइबा, कोषाध्यक्ष देवी लामा घिसिङ र सदस्य अनु योञ्जनले संयुक्त रुपमा उक्त सामाग्री गृहकी अध्यक्ष मिना बराललाई हस्तान्तरण गर्नुभएको हो । कोरोना भाइरसको संक्रमण फैलिन नदिन सरकारले लकडाउन गरेपछि उर्लाबारी–७ स्थित उक्त बाल गृह समस्यामा परेको थियो । गृहका आश्रित ४३ जना बालबालिकाहरुलाई २७ हजार ५ सयको स्कुल डे«स, १७ हजार १ सयको १२ थान ग्याँस र ५८ हजार ४ सयको खाद्यन्य सामग्री प्रदान गरिएको संस्थापक अध्यक्ष वाइबाले जानकारी दिनुभयो । गृहकी अध्यक्ष मिनादेवी बरालले संकटको घडीमा उल्लेख्य परिमाणमा सहयोग सामग्री उपलब्ध गराइदिएकोमा उर्लाबारी परिवार हङकङप्रति कृतज्ञता प्रकट गर्नुभयो ।
गृहमा आश्रित बालबालिकाहरुलाई लागि केही सहयोग होस् भन्ने हेतुले सहयोग गरेको उर्लाबारी हङकङ परिवारका अध्यक्ष रञ्जित कार्कीले बताउनुभयो । उहाँका अनुसार उर्लाबारी नगरपालिकाको विपद व्यवस्थापन कोषमा एक लाख २० हजार पाँच सय बराबरको खाद्य सामग्री प्रदान गरेको छ । उक्त संस्थाले केही दिनअघि उर्लाबारी नगरपालिकाका मेयर खड्ग फागोलाई १ हजार आठ सय केजी चामल, दुई सय केजी दाल, एक सय लिटर तेल, सय केजी नून र सय थान साबुन हस्तान्तरण गरिएको थियो । उर्लाबारी परिवार हङकङले यसअघिपनि स्थानीयलाई विपदको अवस्थामा उल्लेख्य सहयोग पुर्याउदै आएको छ ।
