माेरङ । लकडाउनकाे माैका पारेर मोरङको पथरीशनिश्चरे नगरपालिका-१, पूर्व बसस्टेन नजिकै शुक्रबार दिउँसै गैरकानूनी रुपमा तीन वटा रुख ढालिएको छ ।
रुख ढालिएको स्थान पथरीको ट्राफिक प्रहरी कार्यालयदेखि दक्षिणमा पर्दछ । करिब २ बजे रुख ढालिएको हो । रुख भएको क्षेत्र धिमाल समुदायको सांस्कृतिक स्थल हो ।
दुई वटा रुख ढाली सकेपछि तेस्रो रुख ढाल्दै गर्दा सेक्टर वन कार्यालय पथरी र सेक्टर वन कार्यालय उर्लाबारी मंगलबारेको वन रक्षक टोली त्यहाँ पुगेकाे थियाे ।
सेक्टर वन कार्यालय पथरीको प्रमुख महोमद अलाउदिनले रुख ढाल्ने पारस बुढाथोकी, शंकर लिम्बू पहिचान भइसकेको बताए ।
उनीहरु काम गर्ने लेबरहरु बुझिएको छ । कर्मचारी त्यहाँ पुग्दा अभियुक्तहरु फरार भएको अलाउदिनले बताए ।
घटना स्थलमै भेटिएको १ नम्बर वडा अध्यक्ष बाबुराम लिम्बूले आफूलाई सो बिषयमा जानकारी नभएको बताए ।
