उर्लाबारी, प्रहरी–नागरिकको दुरी हटाउन र प्रहरीलाई नागरिक मैत्री बनाउन नेपाल प्रहरीले अघि सारेको ‘प्रहरी मेरो साथी’ नामक अभियानलाई लकडाउन कार्यान्वयनमा केन्द्रित गरिएको छ ।
्कोराना भाइरस ९कोभिड—१९०को जोखिम न्यूनीकरणका लागि सरकारले लागू गरेको लकडाउनलाई प्रभावकारीरुपमा कार्यान्वयन गराउन उर्लाबारीमा‘प्रहरी मेरो साथी’ लेखिएको टि–सर्ट लगाएर स्वयंसेवी खटिएका छन् । लकडाउनलाई प्रभावकारी बनाउन प्रहरीको अभियान अन्तर्गत स्वयंसेवी खटिएका हुन् ।
उर्लाबारी–४ स्थित आइतबारे चौकमा ११ जनाको समूहमा रहेका स्वयंसेवीको टोलीले राजमार्गमा अत्यावश्यकीय काम बाहेक हिँडेका सवारी साधन र पैदल यात्रीलाई रोक्नुका साथै कोरोना भाइरस सम्बन्धि जिज्ञासा राख्नेलाई बुझाउने स्वयंसेवक टोलीका प्रमुख गोपाल निरौलाले जानकारी दिए । यो अभियान उर्लाबारीका नौ वटै वडामा सञ्चालन भइरहेको छ ।
सबै वडामा प्रहरी र जनप्रतिनिधिले सघाउने गरी स्वयंसेवक खटिएर ठाउँठाउँमा जनतालाई सरकारको निर्णयसंगै कोरोना जोखिम न्यूनीकरणको अभियानलाई सक्रिय बनएको निरौलाको भनाई छ ।
अनावश्यक काममा घर बाहिर जाने, भिडभाड र खेलकूदजन्य गतिविधिमा सहभागी हुने, विदेशबाट आएकाहरुले होम क्वारेन्टाइनमा बस्न आनाकानी गर्ने गरेका जस्ता समस्या रहेको अर्का स्वयंसेवी नवराज अधिकारी बताउछन् ।
