दमक–झापाको दमकमा एक जनामा कोरोना पोजेटिभ देखिएको छ । प्रारम्भिक परीक्षणमा एक जनाको रिपोर्ट पोजेटिभ देखिएके हो । यद्यपि, यो अन्तिम नतिजा भने होइन । र्यापिड परीक्षण गर्दा एक जनामा पोजेटिभ देखिएकाले थप परीक्षणका लागि धरान पठाइएको दमक नगरपालिकाले जनाएको छ ।
आरडीटी परीक्षणमा एक जनामा पोजिटिभ देखिएपछि पीसिआर परीक्षणका लागि नमुना संकलन गरी धरान पठाइएको नगरपालिकाले जनाएको हो । दुई जनाको स्वाव धरान पठाइएको नगरपालिकाको प्रेस नोटमा उल्लेख छ । पीसिआर परीक्षणपछि मात्रै कोरोना भए नभएको पुष्टि हुन्छ ।
नगरका ३ स्थानमा रहेका क्वारेन्टाइनहरुमा ४१ जनालाइ राखेर उनीहरुको स्वास्थ्य अवस्था बारे निगरानी जारी राखिएको नगरपालिकाले जनाएको छ । तीमध्ये दमकको जामे मस्जिदमा १४, मानसरोवरको क्वारेन्टाइनमा २१ र बाकी दाहाल प्रतिस्ठानको क्वारेन्टाइनमा रहेका छ्न ।
