देवराज सुवेदी, मेलम्ची ,२३ बैशाख । तातोपानी नाकाबाट खाद्य सामाग्री आयात सँगै जनप्रतिनीधिले अवरोध सिर्जना गरेका छन् । मंगलवार पाँच कन्टेनर स्याउ र एक कन्टेनर लसुनको भन्सार जाँचपास गरि काठमाण्डौ लाने तयारी भएपछि स्थानिय र जनप्रतिनीधिले अवरोध गरेका हुन् ।
चीन तर्फवाट नियमित सामाग्री आएको र भन्सार कार्यालयले आवश्यक प्रक्रिया पुरा गरि सामना भित्र्याएको तातोपानी भन्सार कार्यालयका प्रमुख लालवहादुर खत्रीले वताउनुभयो । अवारोधका वावजुद भन्सार कार्यालयले आएका सामाग्रीको भन्सार पास गरिरहेको उनले जानकारि दिनुभयो ।
‘नेपाल सरकारले भन्सार सञ्चालनको निर्णय गरेको छ, चिनवाट आएका सामाग्रीको क्वारेन्टाइन सर्टि्फिकेट प्राप्त भएपछि जाँचपास त गर्नैप¥यो ।’ भन्सार प्रमुख खत्रीले भन्नुभयोे ।
स्वास्थ्य सामाग्री वाहेकका सामाग्री आयात भएको भन्दै भोटेकोशी गाँउपालिका ४ का वडा अध्यक्ष साङदोर्जे शेर्पा सहितले अवरोध सिर्जना गर्दै आएको भन्सार कार्यालयले जनाएको छ ।
केही दिन यता भन्सार जाँचपास गरि पठाईएका सामाग्रीमा वाटोमा अवरोध भएपछि निरन्तर छलफल गर्दै आएको प्रमुख खत्रीले जानकारी दिनुभयो । उहाँका अनुसार केही सुरक्षा चुनौती वढेकोले सुरक्षा सतर्कता अपनाइएको छ ।
