विराटनगर, २३ बैशाख । विराटनगरको कोरोना अस्पतालमा उपचार गराइरहेका ६ जना भारतीय जमातीले काेराेना जितेका छन ।
५ र ६ बैशाखमा अस्पताल भर्ना भएका १३ जना मध्ये ६ जना मुस्लिम धर्म प्रचारक जमातीले काेराेना जितेका हुन । उनीहरुलाई बुधबार डिस्चार्ज गरिने छ ।
३०,२९, २८,२१, ३४ र २६ वर्षीय भारतीय नागरिकले कोरोना जितेका हुन । उनीहरुलाई बुधबार बिहान ८ बजे डिस्चार्ज गरिने सामाजिक विकास मन्त्री जीवन घिमिरेले बताए ।
विराटनगरकाे कोरोना अस्पतालमा ३१ जना उपचाररत छन । ती मध्ये २८ जना उदयपुरमा भेटिएका संक्रमित हुन । उदयपुरमा ५ बैशाखमा धर्म प्रचारका लागि आएका १२ जना जमातीलाई कोरोना संक्रमण देखिएको थियो ।
१८ दिनको उपचारपछि ६ जना कोरोना मुक्त भएको विराटनगरकाे कोरोना विशेष अस्पतालका प्रमुख डाक्टर दीपक सिग्देलले जानकारी दिए ।
‘१३ जनाको परीक्षण गर्दा ६ जनाको रिपोर्ट नेगेटिभ आयो ।’ डाक्टर सिग्देल भन्छन् ‘ भोली( बुधबार) डिस्चार्ज गर्छाैं ।’ ७ जनाकाे भने पून एकसाता पछि परिक्षण गरिने छ ।कोशी अनलाइनबाट
