दिपक बस्नेत
दोलखा - दोलखाको तामाकोशी गाउँपालिकाले आजदेखि दीर्घरोगभएका नियमित औषधि सेवन गर्ने पालिका भित्रका माहानुभावलाई औषधि वितरण कार्य सुरु गरेको छ ।
विश्वव्यापि रुपमा फैलिएको कोरोना भाइरसले गर्दा देश लकडाउन भइरहेको जटिल अवस्थामा नियमित औषधि सेवन गर्ने माहानुभावहरुको समस्याको समधानको लागि गाउँपालिकाले निशुल्क औषधि वितरण गर्ने निर्णय गरेको थियो ।
तामाकोशी गाउँपालिकाको बैठकको निर्णय अनुसार आजबाट पालिका भित्रका प्रत्येक वडाका स्वास्थ्य चौकिबाट दीर्घरोग भएका विरामिको लागि औषधि वितरण गरिएको तामाकोशी गाउँपालिकाका अध्यक्ष ईश्वर चन्द्र पोखरेलले जानकारि दिनुभयो । तामाकोशी गाउँपालिका भित्रका ५५० जना नागरिकलाई २९७ प्रकारका औषधि निशुल्करुपमा वडाका स्वास्थ्य चौकिबाट वितरण गरिएको अध्यक्ष पोखरेलको भनाई छ ।
साथै उहाँले गाउँपालिकाको यो जटिल कामलाई सहयोग गर्नुहुने पालिका भित्रका सम्पुर्ण स्वास्थ्यकर्मिहरुलाई धन्यवाद व्यक्त गर्नुभएको छ । तथ्याङ्क सङ्कलनको क्रममा केही दीर्घरोगीहरु छुटेको गुनासो आएकाले पुनः तथ्याङ्क सङ्कलन गरी उनीहरुलाई समेत निशुल्क औषधि वितरण गरिने उपाध्यक्ष उर्मिला खड्काले बताउनु भएको छ ।
