पुष्कर खड्का
काठमाडौ - उदयपुरमा थप १ जनामा कोरोना संक्रमण पुष्टि भएको छ। नेपालमा कोरोना भाइरस संक्रमितको संख्या ११० पुगेको छ । उदयपुरको भुल्केकी ४३ वर्षीय महिलामा शनिबार साँझ कोरोना संक्रमण पुष्टि भएको हो ।
कोसी अस्पतालको प्रयोगशालामा गरिएको उनको स्वाब नमुना परीक्षणमा कोरोना पोजिटिभ देखिएको अस्पतालकी मेडिकल सुपरिटेन्डेन्ट डा. संगीता मिश्रले बताइन् । योसंगै उदयपुरमा मात्रै कोरोना संक्रमितको संख्या ३२ पुगेको छ ।
शनिबार बिहानमात्रै उदयपुरमा ३,कपिलवस्तुका ३ पर्साको छपकैयामा १ जनामा संक्रमण भेटिएको थियो । नेपालमा कुल संक्रमितमध्ये ३१ जना निको भएका छन् । अन्य सबैको बिभिन्न अस्पतालमा उपचार भइरहेको र स्वास्थ्य अवस्था सामान्य रहेको सवास्थ्य तथा जनसंख्या मन्त्रालयले जनाएको छ ।
