पुष्कर खड्का
काठमाडौ - सोलुखुम्बुको सोताङ गाउँपालिका वडा नं ३ बाट प्रहरीले भरुवा बन्दुक सहिति एक युवक पक्राउ गरेको छ । वडाको नागीयाङ सामुदायिक बनमा अबैध भरुवा बन्दुक सहित स्थानिय २५ वर्षिया प्रदिप राईलाई पक्राउ गरिएको सोलुखुम्बु प्रहरीले जनाएको छ ।
सामुदायिक बनमा बन्जयजन्तुको चोरी शिकारी भइरहेको गोप्य सुचनाका आधारमा इलाका प्रहरी कार्यालय सोताङबाट खटिएको प्रहरी टोलिले राईलाई पक्राउ गरेको जिल्ला प्रहरी कार्यालय सोलुखुम्बुका सुचना अधिकारी ईङ्पेक्टर महेन्द्र दर्नालले जानकारी दिनु भयो । राईको साथबाट मरेको कालिज पनि भेटिएको प्रहरीको भनाई छ ।
चोरी शिकारीमा संलग्न रहेको अर्का २५ वर्षिया दिपक राई भने फरार रहेको प्रहरीले जनाएको छ । उनको खोजि भइरहेको र पक्राउ परेका प्रदिप राईमाथि पनि थप अनुसन्धान भइरहेको प्रहरी निरिक्षक दर्नालको भनाई छ ।
