पुष्कर खड्का
काठमाडौ - विश्वव्यापी रुपमा फैलिएको नोवेल कोरोना भाइरस (कोभिड–१९) नियन्त्रण गर्ने कपिलवस्तु शिल गर्ने निर्णय भएको छ। कोरोना संक्रमितको संख्या बढ्दै गएपछि कपिलवस्तु जिल्लालाई जेठ ५ गतेसम्म सिल गर्ने निर्णय भएको हो । जिल्ला सुरक्षा समितिको बैठकले आइतबार ५ बजेदेखि लागू हुने गरी जिल्लालाई सील गर्ने निर्णय गरेको हो।
सोमबार मात्रै जिल्लाको यशोधरा गाउँपालिकामा ८ जना र बुद्धभूमि नगरपालिकामा २ गरी १० जना कोरोना संक्रमित भेटिएका थिए । थप सर्तकता अपनाउँदै जिलला सिल गर्ने निर्णय गरेको प्रमुख जिल्ला अधिकारी दिर्घनारायण पौडेलले जानकारी दिएका छन् ।
पछिल्लो समय भारतबाट लुकिछपी आउने क्रम बढेको छ । त्यहाँका संक्रमितहरु पनि भारतबाट आएकाहरुमा देखिएको हो । अहिले सीमा नाकामा २१ सयभन्दा बढी नेपाली जम्मा भएका छन् । सोमबारसम्म मात्रै कपिलवस्तुमा कोरोना संक्रमितको संख्या १५ पुगेको छ ।
प्रमुख जिल्ला अधिकारी दीर्घनारायण पाैडेलकाअनुसार यस अवधिमा अत्यावश्क बस्तुहरु खाद्यान्न, तरकारी, फलफूल, दुध, पेट्रोलियम पदार्थ बोकेका सवारीसाधन, एम्बुलेन्स मात्र चल्न पाइनेछन्। यस्तै पूर्वपश्चिम राजमार्गमा चल्ने सवारी साधन चल्न पाउने तर जिल्ला भित्र ओराल्न र चढाउन पाउने छैनन्।
