पुष्कर खड्का
काठमाडौ - नेपालमा अाज एकै दिन ८३ जनामा कोरोना संक्रमितको पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार पर्सामा ५७ , कपिलवस्तुका ८ जना , रुपन्देहीका ९ ,बाराका १ महोतरी २ धनुषा २ ,भक्तपुरमा २, काठमाडौमा १ ,सर्लाहीमा १ जना गरि थप ८३ जनामा कोरोना भाइरस संक्रमण पुष्टि भएको हो । यससँगै नेपालमा कोरोना संक्रमितको कुल संख्या २१७ पुगेको छ ।
मन्त्रालयका अनुसार उनीहरुको राष्ट्रिय जनस्वास्थ्य प्रयोगशालामा गरिएको परीक्षणमा कोरोना संक्रमण पुष्टि भएको मन्त्रालयका सहप्रवक्ता डा. समीरकुमार अधिकारीले जानकारी दिए । थपिएका संक्रमित सबै स्वास्थ्यकर्मीको सम्पर्कमा नै रहेको र स्वास्थ्य अवस्था सामान्य रहेको मन्त्रालयले जनाएको छ ।
