पुष्कर खड्का
काठमाडौ - नेपालमा थप २४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार रुपन्देहीमा ९ पुरुष र ३ जना महिला, कपिलवस्तुमा ८ पुरुष, पर्सामा २ पुरुष, १ महिला र नवलपरासीमा १ एक पुरुषमा कोरोना संक्रमण पुष्टि भएको हो ।यससँगै नेपालमा कोरोना संक्रमितको कुल संख्या २४३ पुगेको छ ।
थपिएका संक्रमित सबै स्वास्थ्यकर्मीको सम्पर्कमा नै रहेको र स्वास्थ्य अवस्था सामान्य रहेको मन्त्रालयले जनाएको छ ।
यस अघि आजै बाँकेमा १ जना र कपिलवस्तुमा १ जना गरि २ जनामा संक्रमण पुष्टि भएका थिए ।
