पुष्कर खड्का
काठमाडौ - तनहुँमा शनिबार सवारी दुर्घटना हुँदा एक युवकको मृत्युु भएको छ ।
शनिबार दिउसो करिव १ बजे भानु नगरपालिका-१ अधेरीखोला स्थित डुम्रे बेशिसहर सडक खण्डमा भन्सारबाट पुर्कोट तर्फ जाँदै गरेको ग १ त ५५०२ नं को ट्याक्टरबाट लडेर ट्याक्टरमा सवार युवकको मृत्यु भएको प्रहरीले जानकारी दिएको छ।
ट्याक्टरबाट लडेर गम्भीर घाइते भएका भानु नगरपालिका-१ भन्सारका १८ बर्षीय नबिन परियारलाई उपचारको लागि लक्ष्मि अस्पताल डुम्रे लगिएको,र उपचारको क्रममा मृत्यु भएको गण्डकी प्रदेश प्रहरी कार्यालय पोखराका प्रहरी नायव उपरीक्षक राजेन्द्र वावु रेग्मीले जानकारी दिनु भयो । ट्याक्टर र चालकलाई नियन्त्रणमा लिइ घटनाको विषयमा अनुसन्धान भइरहेको प्रहरीले जनाएको छ।
