पुष्कर खड्का
काठमाडौ – नेपालमा थप ९ जनामा कोरोना संक्रमणको पुष्टि भएको छ। स्वास्थ्य तथा जनसंख्या मन्त्रालयका अनुसार बिहीबार दिउँसो झापामा ८ जना र रुपन्देहीका १ जना गरी थप ९ जनामा कोरोना पुष्टि भएको हो ।
स्वास्थ्य तथा जनसंख्या मन्त्रालयका अनुसार नयाँ थपिएका संक्रमित कचनाकवल गाउँपालिकाको लक्ष्मीप्रसाद देवकोटा माविको क्वारेन्टाइनमा रहेका ८ जनामा कोरोना संक्रमण पुष्टि भएको हो ।उनीहरु १७, १८, १८, २०, २०, २३, ५२ र ५५ वर्षका र रुपन्देहीका २७ वर्षीय पुरुषमा पनि संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डाक्टर विकास देवकोटा बताएका छन् । योसँगै नेपालमा कोरोना संक्रमितको संख्या ४ सय ५३ पुगेको छ ।
नेपालमा हालसम्म कोरोना निको हुनेको संख्या ४९ पुगेको छ भने ,यस्तै कोरोनाबाट सिन्धुपाल्चोका १ जना, बाँकेका १ जना र गुल्मीका १ जना गरी ३ जनाको मृत्यु भएको छ ।
