पुष्कर खड्का
काठमाडौ – नेपालमा शनिबार साँझ थप ७ जनामा कोरोना संक्रमणको पुष्टि भएको छ। प्रदेश जनस्वास्थ्य प्रयोगशाला भैरहवामा गरिएको पीसीआर परीक्षणमा ७ जनामा कोरो संक्रमित थपिएका हुन्।
नयाँ थपिएका संक्रमित रुपन्देहीको गैडहवामा ३, कपिलवस्तुका ३ र गुल्मी मदाने गाउँपालिकाका १ जना गरी ७ जनामा कोरोना संक्रमण पुष्टि भएको प्रदेश जनस्वास्थ्य प्रयोगशालाका निमित्त प्रमुख डा. राजेन्द्र गिरीले बताए ।
यससँगै नेपालमा कोरोना संक्रमितको कुल संख्या ५ सय ९१ पुगेको छ । नयाँ थपिएका संक्रमित सबै स्वास्थ्यकर्मीको सम्पर्कमा नै रहेको र स्वास्थ्य अवस्था सामान्य रहेको जनाएको छ ।
आज बिहान ३२ जना संक्रमित थपिएका थिए भने दिउँसो ३६ जना र अहिले ७ जना गरी अाज एकै दिन ७५ जना संक्रमित थपिएका छन् ।
नेपालमा हालसम्म कोरोना निको हुनेको संख्या ७० पुगेको छ भने ,यस्तै कोरोनाबाट सिन्धुपाल्चोका १ जना, बाँकेका १ जना र गुल्मीका १ जना गरी ३ जनाको मृत्यु भएको छ ।
