पुष्कर खड्का
काठमाडौ - नेपालमा कोरोना भाईरस (कोभिड–१९) का कारण बुधबार साँझ ललितपुरको किष्ट अस्पतालमा एक जनाको मृत्यु भएको हो । यससँगै नेपालमा कोरोनाबाट मृत्यु हुनेको संख्या पाँच पुगेको छ ।
मृत्यु हुनेमा ललितपुर महानगरपालिका २२ भैंसेपाटीका ५७ वर्षीय पुरुषको किष्ट अस्पतालमा उपचारको क्रममा बुधबार साँझ मृत्यु भएको प्रहरी उच्च स्रोतले पुष्टि गरेको छ ।
उनको कारोनाको आशंकामा स्वाब संकलन गरेर राष्ट्रिय जनस्वास्थ्य प्रयोगशालामा पीसीआर टेस्ट गराउँदा कोरोनाको पोजेटिभको रिपोर्ट आएको हो । उनी कलेजो सम्बन्धि रोगबाट पीडित रहेका थिए ।
बुधबारै आएको कोरोना परीक्षणको रिपोर्ट पोजेटिभ नै रहेको स्वास्थ्य कार्यालय, ललितपुरका प्रमुख डा.खगेश्वर गेलालले जानकारी दिनु भयो ।
उनको शब अस्पतालमै राखिएको छ । उनको मृत्यु कोरोनाबाट भएको भन्ने बिषयमा स्वास्थ्य मन्त्रालयले औपचारकि जानकारी सार्वजनिक भने गरेको छैन ।
यस अघि कोरोनाको कारण सिन्धुपालचोक, बाके, गुल्मी र बारामा १-१ जना गरि ४ जनाको मृत्युु भैसकेको थियो ।
नेपालमा अहिलेसम्म ८ सय ८६ जनामा कोरोना संक्रमण पुष्टि भइसकेको छ,भने १ सय ८३ जना निको भएर घर फर्किएका छन् ।
