पुष्कर खड्का
काठमाडौ – नेपालमा आज एकै दिन थप १ सय ६६ जनामा कोरोना संक्रमणको पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले नियमित पत्रकार सम्मेलनमा नेपालमा अाइताबार १ सय ६६ जनामा कोरोना संक्रमण पुष्टि भएको बताएका छन् ।
योसँगै नेपालमा कोरोना संक्रमितको कुल संख्या १५ सय ६७ पुगेको छ । नयाँ थपिएका संक्रमित सबै स्वास्थ्यकर्मीको सम्पर्कमा नै रहेको र स्वास्थ्य अवस्था सामान्य रहेको मन्त्रालयले जनाएको छ ।
नेपालमा हालसम्म कोरोना निको हुनेको संख्या २ सय २० पुगेको छ भने ,त्यस्तै कोरोनाबाट मृत्यु हुनेको सङ्ख्या ८ पुगेको छ ।
