पुष्कर खड्का
काठमाडौ – नेपालम सोमबार साँझ थप १३ जनामा कोरोना संक्रमणको पुष्टि भएको छ। स्वास्थ्य तथा जनसंख्या मन्त्रालयले दिएको जानकारी अनुसार पाल्पाका २ जना, नवलपरासी (पश्चिम) का १ जना, गुल्मीका १ जना, कपिलवस्तुका ७ जना र रुपन्देहीका २ जना गरि १३ जनामा कोरोना पुष्टि भएको स्वास्थ्य तथा जनसंख्या मन्त्रालका सह प्रवक्ता डा.समीर कुमार अधिकारीले बताएका छन् ।
योसँगै नेपालमा कोरोना संक्रमितको कुल संख्या १८ सय ११ पुगेको छ । नयाँ थपिएका संक्रमित सबै स्वास्थ्यकर्मीको सम्पर्कमा नै रहेको र स्वास्थ्य अवस्था सामान्य रहेको मन्त्रालयले जनाएको छ ।
यस अघि अाज बिहान / दिउँसो मात्रै २ सय २६ जनामा कोरोना संक्रमित पुष्टि भएको थियोे,भने अहिले फेरि १३ जना थप भए सगै अाज एकै दिन २ सय ३९ जनामा कोरोना संक्रमित पुष्टि भएको छ।
नेपालमा हालसम्म कोरोना निको हुनेको संख्या २ सय २१ पुगेको छ भने ,यस्तै कोरोनाबाट मृत्यु हुनेको सङ्ख्या ८ जना पुगेको छ ।
