पुष्कर खड्का
रामेछाप - रामेछापको गोकुलगंगा गाउँपालिको क्वारेन्टिनमा बसेकाकोरोना संक्रमीत युवा फरार रहेका छन । फरार युवाको आज विहान सम्म खोजीकार्य जारी रहेको छ । संक्रमित युवक शुक्रवार दिउँसो देखी फरार रहेको जिल्ला प्रहरी कार्यलय रामेछापले जनाएको छ ।
प्रहरीका अनुसार जिल्लाका १७ जना कोरोना संक्रमित मध्ये ११ जना गोकुलगंगा गाउँपालिका रहेका र ११ जना संक्रमित मध्ये एकजना फरार रहेको जिल्ला प्रहरी कार्यालय, रामेछापका प्रमुख बसन्त पाठकले जानकारी दिनु भयो ।
क्वारेन्टिनमा वसेकायुवाहरुको स्वाब परिक्षणको लागि धुलिखेल पठाइएकोमाउनीहरुको रिपोट नआउँदै गाउँपालिका अध्यक्ष खड्गवहादुर सुनुवारले सवैजनाको रिपोट नेगेटिभ आएको भन्दै हातमिलाइएर बिदाई गरी घर पठाएका थिए । क्वारेन्टिन स्थलवाट घर तर्फ लागेकायुवाहरुले वेतालीवजारमा घुमफिर गरी सामानहरु समेत किनेर घरतर्फ लागेकाथिए ।
क्वारेन्टिनवाट युवाहरु घर गएको केही क्षणमै ११ जनाकै स्वाब परिक्षणको रिपोट पोजेटिभ देखिएको भन्दै स्वास्थ्यमन्त्राालयले कोरोना रिपोट सार्वजनिक गरेको थियो ।
स्वास्थ्यमन्त्रालयले रिपोट सार्वजनिक गरेसँगै गाउँपालिका प्रमुखले क्वारेन्टिनमा बसेका सवैजनालाई पुनःक्वारेन्टिनमा फर्कीन टेलिफोन मार्फत अनुरोध गरेर पालिकाकै सवारी साधनमार्फत फर्काएका भएपनि गोकुलगंगा वडा नं ४ वेतालीका एक युवक भने सम्पर्कमा नै नआई फरार भएका हुन् ।
