पुष्कर खड्का
रामेछाप - रामेछाप जिल्लाको गोकुलगंगा गाउँपालीका बाट फरार रहेका एक जना कोरोना संक्रमित युवकलाई २४ घण्टापछि नियन्त्रणमा लिएको छ।
गोकुलगंगा गाउँपालीका वडा नम्बर १ चुचुरेमा आफन्तको घरमा मदिरा सेवन गरिरहेको अवस्थामा चुचुरेमा फेला पारेको चुचुरेका वडा अध्यक्ष मणिकुमार लामाले जानकारी दिनु भयो ।
लामाका अनुसार अहिले रस्नालुको एम्बुलेन्स झिकाएर रामेछाप पठाएको अध्यक्ष लामाले बताउनु भएको छ । संक्रमित युवा बसेका घरका उनका आफन्तलाई समेत रामेछाप पठाईएको जानकारी दिनु भयो ।
हिजो गोकुलगंगा गाउँपालीकाको क्वारेन्टाइनमा रहेका ११ जना कोरोना संक्रमितहरुलाई गाउँपालीका अध्यक्षले कोरोना रिपोट नेगेटीभ आएको भनी ११ जनालाई घर पठाएका थिए ।
घर पठाएको १५ मिनेट पछि स्वास्थ्य मन्त्रालयलबाट रिपोर्ट पोजेटिभ अाएको खबर थाहापाएपछि गाउँपालिका अध्यक्षले फर्काउन खोज्दा फरार रहेका युवा अहिले चुचुरेबाट नियन्त्रणमा लिएर रामेछाप ल्याउदै गरेको स्वास्थ्य कार्यालय रामेछापका प्रमुख जितेन्द्र कर्णले बताउनु भयो ।
