पुष्कर खड्का २८ जेठ,
रामेछाप - रामेछापको सुनापति गाउँपालिकाका एक युव पक्राउ परेका छन् ।
पक्राउ पर्नेमा जिल्लाको सुनापति गाउँपालिका वडा नम्बर ५ खनियापानीस्थित कटुन्जेका २० बर्षिय कृष्ण कोइरालालाई पक्राउ गरेको जिल्ला प्रहरी कार्यलय रामेछापले जनाएको छ ।
प्रहरीले दिएको जानकारी अनुसार यही जेठ १७ गते मध्यरातमा १५ बर्षिय बालिका माथि खुकुरी प्रहार गरि फरार भएका युवकलाई १२ दिन पछि प्रहरीले पक्राउ गरेको हो।
कोइरालाले मध्यरातमा १५ बर्षिय बालिका रञ्जिता खडकामाथि बलात्कार गर्न खोज्ने क्रममा प्रतिकार गरेपछि ज्यानै जाने गरी कोइरालाले बालिकाको गर्दनमा खुकुरी प्रहार गरेर फरार भएका थिए ।
फरार रहेका कोइरालालाई स्थानीयको सहयोगमा खनियापानीबाटै पक्राउ गरिएको जिल्ला प्रहरी कार्यालय रामेछापका प्रमुख बसन्त पाठकले जानकारी दिनु भयो ।
पठकका अनुसार पक्राउ परेका युवकलाई कर्तव्य ज्यान मार्ने उद्योग र बलात्कारको गरी दुई वटा मुद्दा चलाइने पाठकले बताउनुभयो ।
प्रक्राउ गरेको कोइरालालाई आज जिल्ला प्रहरी कार्यालयमा १२ दिनपछि ल्याइएको छ । घाइते बालिकाको भने हाल न्युरो अस्पतालमा गर्दनको अप्रेसन गरेर उपचार भइरहेको प्रहरीले बताएको छ ।
