पुष्कर खड्का,
३२ जेठ रामेछाप । रामेछापको सुनापति गाउँपालिकामा बोलेरो दुर्घटना हुँदा २ जना घाइते भएका छन्।
जिल्लाको सुनापति गाउँपालिकामा -४ लोप्राङमा आइतबार बिहान पौने ९ बजेतिर बा १४ च १६१७ बोलेरो दुर्घटना हुँदा चालक र अर्का एक जना गरी २ जना घाइते भएको जिल्ला प्रहरी कार्यालय रामेछापले जनाएको छ।
प्रहरीले दिएको जानकारी अनुसार घाइते हुनेमा सुनापति गाउँपालिका-४ बेथानका करिब ४० वर्षीय चालक कल्याण खत्री र १४ वर्षीय रविन खत्री घाइते भएको जिल्ला प्रहरी कार्यालय रामेछापका प्रवक्ता टेकेन्द्र पौडेलले जानकारी दिनु भयो ।
पौडेलको अनुसार चालकको अवस्था गम्भीर रहेको बताउनु भयो,उनले भने, 'चालकको हात, खुट्टा र टाउकोमा गम्भीर चोट लागेकाले हेलिकप्टरबाट उपचारका लागि काठमाडौं लैजाने तयारी भइरहेको र युवकको खुट्टामा चोट लागेकाले एम्बुलेन्समार्फत काठमाडौं पठाइसकिएको बताउनु भयो ।
उनका अनुसार लोप्राङबाट बेथान जाँदै गरेको बोलेरो सडकबाट २ सय मिटर तल खसेको छ। बुलेरोमा २ जनामात्र सवार रहेका थिए। दुर्घटना कसरी हुन पुग्यो भन्ने सम्बन्धमा प्रहरीले अनुसन्धान गर्ने थालेको बताएको छ।
