पुष्कर खड्का
३२ जेठ, काठमाडौ । नेपालमा अाइतबार दिउँसो थप ४ सय २५ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले नियमित पत्रकार सम्मेलनमा नेपालमा अाइतबार ४ सय २५ जनामा कोरोना संक्रमण पुष्टि भएको बताएका छन् ।
https://www.facebook.com/mohpnep/videos/2976767979086160/?app=fbl
योसँगै नेपालमा कोरोना संक्रमितको कुल संख्या ५ हजार ७ सय ६० पुगेको छ। नयाँ थपिएका संक्रमित सबै स्वास्थ्यकर्मीको सम्पर्कमा नै रहेको र स्वास्थ्य अवस्था सामान्य रहेको मन्त्रालयले जनाएको छ ।
अाइतबार थपिएका सङ्क्रमितमध्ये ३ सय ७५ जना पुरुष रहेका छन् भने ५० जना महिला रहेकाे मन्त्रालयका प्रवक्ता डाक्टर जागेश्वर गौतमले जानकारी दिनुभयो ।
त्यस्तै आज ६१ जना कोरोना संक्रमित डिस्चार्ज भएका छन्। नेपालमा हालसम्म कोरोना निको हुनेको संख्या ९ सय ७४ पुगेको छ भने,त्यस्तै कोरोनाबाट मृत्यु हुनेको सङ्ख्या १९ पुगेको छ ।
