३२ जेठ काठमाडौं । प्रहरीले काठमाडौंमा ९ जनालाई तास खेल्दै गरेको अवस्थामा पक्राउ गरेको छ ।
काठमाडौंको रविभवनस्थित श्याम श्रेष्ठको घरमा तास खेलिरहेका ९ जनालाई नगद १ लाख रुपियाँ र ३ बुक ताससहित शनिबार दिउँसो प्रहरीले पक्राउ गरेको जनाएको छ ।
विशेष सूचनाको आधारमा महानगरीय प्रहरी वृत्त कालिमाटीबाट खटिएको प्रहरीले उनीहरूलाई पक्राउ गरेको जनाइएको छ ।
पक्राउ पर्नेहरूमा सोही ठाउँ बस्ने काभ्रे रोशी गाउँपालिका ५ घर भएकी ४५ वर्षीया कान्छी लामा, धनुषा जनकपुर घर भएकी ३४ वर्षीया अनिता कुशवाहा, काठमाडौंको लैनचौर घर भएकी ३७ वर्षीया शर्मिला मसाल श्रेष्ठ रहेकी छिन् ।
धादिङ थाक्रे गाउँपालिका ७ घर भई काठमाडौंको १४ कुलेश्वर बस्ने ३४ वर्षीय राजु भुजेल, धादिङ थाक्रे गाउँपालिका ५ घर भई काठमाडौंको कालीमाटी बस्ने ४२ वर्षीय आस्मान लामा, गोरखाको गोरखा नगरपालिका १३ घर भई हाल काठमाडौंको बानेश्वर बस्ने ४४ वर्षीय फूलबहादुर गुरुङ, काभ्रे नवबुद्ध नगरपालिका ६ घर भई हाल काठमाडौंको लाम्पाटी बस्ने ५५ वर्षीय धनबहादुर तामाङ, काभ्रे बनेपा नगरपालिका १ घर भई हाल काठमाडौंको कलंकी बस्ने ३८ वर्षीय यज्ञकुमार श्रेष्ठ र रामेछाप सुनापती गाउँपालिका ४ घर भई हाल ललितपुर ईमाडोल बस्ने ३६ वर्षीय दीपक थापा पनि पक्राउ परेका छन् ।
