उर्लाबारी । नोभेल कोरोनाभाइरस (कोभिड– १९) र लकडाउन कारण समस्यामा परेका अति विपन्न परिवारलाई उर्लाबारीस्थित केवीआई फाउण्डेसन नेपालले आज राहत बितरण गरेको छ ।
उर्लाबारी—९ स्थित आम्बारी,भोटेपूल र सेम्बुटोलका ३० घरपरिवारलाई राहत वितरण गरिएको हो ।
प्रत्येक घरपरिवारलाई २५ केजी चामल, नुन तेल,साबुन ,स्वाईबिन लगायत बितरण संस्थाका सदस्य लोलिम पोमुले जानकारी दिनुभयो ।
दैनिक ज्याला मजदुरी गरेर बिहान बेलुकाको छाक टार्नुपर्ने मजदुर तथा विपन्न समुदायका मानिसलाई राहत वितरण गरिएको पोमुले बताउनुभयो ।
राहत वितरण कार्यक्रममा संस्थाका योबाहाङ तुम्बाहाम्फे, समाजसेवी कुरुराज आङबुहाङ,प्रकाश कन्दङ्वा,वीरबहादुर सेम्बु लगायतको उपस्थिती रहेको थियो ।
राहत पाएपछि उर्लाबारी—९ कि सुर्यमुखी सन्थालले खुशी प्रकट गर्नुभयो । उहाँले भन्नुभयो, अर्काको खेतीपाती गएर जिवीको पार्जन भईरहेको थियो । यो राहतले दुख बिराम पर्दा सजिलो भयो, काम गरेर कमाएको खर्च बचत हुने भयो ।
सुर्यमुखी जस्तै डम्बर बहादुर माझी पनि राहत पाएपछि निक्कै खुशी हुनुहुन्छ । उहाँ भन्नुहुन्छ, राहत पाउने भनेर धेरैबाट आश्वसन पाईयो तर कहिकतैबाट मिलेको थिएन, तर केबीआईले घर आगनमै ल्याईदियो धन्यवाद दिन चाहान्छु ।
https://www.youtube.com/watch?v=Q9ozSVdvY0o
संस्थाका लोलिम पोमुले बाहिर देशमा रहनुभएका भीम पन्धाक,ईन्द्र खापुङ, कसल लिम्बूको अगुवाई र नेपालमा रहेका प्रतिनिधीहरुको संयोजनमा कार्यक्रम सम्भव भएको बताउनुभयो ।
कार्यक्रमको व्यवस्थापन गर्नुभएका योवाहाङ तुम्बाहाम्फले केवीआई फाउण्डेसनलेृ उर्लाबारीमा समाजिक गतिविधी गर्दै आएको जानकारी दिनुभयो । उहाँका अनुसार यस संस्थाले बिशेषत यहाँको खेलकुद शैक्षिक क्षेत्रमा सहयोग पुर्याएर अतुलनिय काम गर्दै आएको छ ।
केवीआई फाउण्डेसन नेपाल गाउँटोलवाशीको दुखसुखमा साथमै छ, संस्थाका भीम पन्धाक भन्नुहुन्छ, कार्यक्रम व्यवस्थित र सभ्य रुपमा सम्पन्न भएकोमा खुशी लागेको छ ।
https://www.youtube.com/watch?v=IQDpsPpbS68
संस्थाका अध्यक्ष ईन्द्र खापुङ संस्थामा सदस्यता बिस्तार गर्दै सामाजिक कामलाई अझ व्यापकता दिईने लक्ष्य रहेको बताउनुहुन्छ । यो बेला सबै समस्यामा छौ, सबैलाई आफु बचौं र अरुलाई पनि बचाऔंको निती अबलम्बन गरिदिनुहुन अनुरोध गर्दछु, अध्यक्ष खापुङले भन्नुभयो ।
