उर्लावारी।
उर्लावारीमा कोरोना संक्रमतिको संख्या ७ पुगेको छ । बुधबार कुवेतबाट फर्केर आएकी एक जना महिलामा कोरोना संक्रमण पुष्टि भएको थियो
।
बिहीबार उर्लावारी स्वास्थ्य शाखाले बुधबार १ र बिहीबारका ६ जना गरेर ७ जनामा कोरोना संक्रमण देखिएको पुष्टि गरेको हो ।
संक्रमित हुनेहरुमा २ जना पुरुष र ५ जना महिला छन् । दुबईबाट आएका २ जना पुरुष र कुवेतबाट आएका ५ जना महिलामा कोरोना संक्रमण देखिएको उर्लावारीको स्वास्थ्य शाखाले जनाएको छ ।
संक्रमितहरु सबै राधिका माविको क्वारेनटाइनमा बसेका हुन् । उनीहरुको स्वास्थय अवस्था सामान्य रहेको नगरपालिकाले जनाएको छ ।
एक जना संक्रमितलाई उपचारका लागि कोभिड उपचार केन्द्र विराटनगरमा पठाइएको छ । बाँकी ६ जनालाई आवश्यक प्रक्रिया पुरा गरेर विराटनगर पठाउने तयारी भइरहेको उर्लावारीको स्वास्थ्य शाखाले जनाएको छ ।
समुदाय स्तरमा कुनै पनि केश नदेखिएकाले आवश्यक सावधानी अपनाएर सुरक्षित रहत र नआत्ति पनि स्वास्थ्य शाखा उर्लावारीले सबैलाई अनुरोध गरेको छ ।
यो पनि
संक्रमित कुन कुन वडाका छन्
उर्लाबारी१८ असार/ उर्लाबारी ६ मा रहेको राधिका माविको क्वारेनटाईनमा बसेका उर्लाबारी नगरका १, २, ३, ४ र ९ नं वडामा एक–एक जना महिला र ४ नं. वडामा २ जना पुरुषमा कोरोना भाईरसको संक्रमण भएको पुष्टी भएको छ। कोरोना समुदायमा संक्रमण नआएकोले नआत्तिन र सजग रहन मेयर खड्ग फागोले नगरबासीमा आग्रह गरेका छन् ।
