उर्लाबारी । उर्लाबारी नगरपालिकाका मेयर खड्ग फागोले कोरोना भाइरसको संक्रमण समुदाय स्तरमा नदेखिएकाले आवश्यक सावधानी अपनाएर सुरक्षित रहन र नआत्तिन आग्रह गर्नुभएको छ ।
बैदेशिक रोजगारबाट कुवेतबाट फर्किएका ५ महिला र दुबईबाट फर्किएका २ पुरुषमा कोरोना भाइरस पोजिटिभ देखिएपछि मेयर फागोले सुरक्षित रहन आग्रह गर्नुभएको हो ।
उर्लाबारी–६ स्थित राधिका माध्यमिक विद्यालयमा रहेको क्वारेन्टाइनमा बसेका उनीहरुलाई सिधै क्वारेन्टाइनमा ल्याएकाले समुदाय स्तरका ब्यक्तिहरुसँग कुनै सम्पर्क नरहेको हुँदा उर्लाबारीबासी आत्तिहाल्नु पर्ने अवस्था नरहेको उहाँको भनाई छ ।
भौतिक दुरी कायम गरी भिडभाडमा अनिवार्य माक्सको प्रयोग गर्न उहाँले सम्पूर्ण नगरबासीहरुलाई अनुरोध गर्नुभएको छ ।
http://ratokalam.com/archives/86138
