उर्लाबारी । मोरङको उर्लाबारीमा एक किशोरीलाई सामुहिक बलात्कार गरेको अभियोगमा दुई युवालाई पक्राउ गरिएको छ ।
उर्लाबारी–५ सिसौलीकी १७ बर्षीया किशोरीलाई २०७६ फागुन २७ गते घरमा कोही नभएको अवस्थामा सोही ठाउँका २१ बर्षीय भेषराज आचार्य र ३० बर्षीय प्रदिप खतिवडाले सामुहिक बलात्कार गरेको पीडित परिवारले जनाएको छ । बेहोस बनाउने औषधि सेवन गरी किशोरीलाई दुई जना सामुहिक करणी गरेको थिए । उनीहरु दुबैलाई जवरजस्ती करणीअभियोगमा पक्रउा गरी जिल्ला अदालतबाट म्याद थप गरी अनुसन्धान गरिरहेको प्रहरीले जनाएको छ । ती युवाले सामुहिक करणीपश्चात कसैलाई भने मार्ने धम्कीसमेत दिएको खुलेको छ ।
करणीपश्चात बारम्बार किशोरी बिरामी हुन थालेपछि केही दिनअघि मात्र स्वास्थ्य परीक्षण गर्दा किशोरीको पेटमा बच्चा भएको जानकारी पाएपछि घटनाको रहस्य बाहिरिएको थियो । पीडित परिवारले दोषीलाई हदैसम्म कार्वाही गर्न माग गरेका छन् । त्यस्तै, बाल क्लब सञ्चाल उर्लाबारी वडा नं. ६ ले पनि घटनाको छानविन गरी दोषीलाई हदैसम्म कार्वाही र पीडित परिवारको न्यायका लागि इलाका प्रहरी कार्यालय उर्लाबारीका प्रहरी निरीक्षक सुवास राईलाई अनुरोध गरेको छ । सञ्जालकी अध्यक्ष कृतिका कार्कीले बालिकामाथी जवरजस्ती करणी गर्नेलाई हदैसम्म कार्वाही गर्न माग गरिन् ।
