प्रदेश एकमा बाढी पहिरो तथा पानीमा ढुबेर ५१ जनाको ज्यान गएको छ । २०७७/०३/२८ गते सुनसरी बराहक्षेत्र नपा ६ बोराबान कोशी किनारा स्थित दाउरा खोज्ने क्रममा १३ बर्षिय अनिल बस्नेत कोशी नदीले बगायो । सधै झै दाउरा झिक्ने क्रममा उनको उल्पआयुमै मृत्यु भयो ।
२०७७।०३।२८ गते संखुवासभा सिलिचोङ गा.पा. वडा नं. १ स्थित बेसिन्दा भन्ने ठाउँमा अबिरल बर्षाको कारण पहिरो गई ८ घर बगागउँदा ११ जना मानिस बेपत्ता भएका छन । २०७७।०३।२७ गते .झापा भद्रपुर नपा ३ नाउगाट स्थित मेची खोलामा हिरण राई नुहाउने क्रममा उक्त खोलाले बगाई बेपत्ता भए । उनको शब भने भेटिएको छैन ।
ताप्लेजुङ र तेह्रथुम जिल्लाका २ स्थानमा तमोर नदिले बगाएर ३ जना बेपत्ता भएका छन् । ५७ बर्षीय कालुमान तक्मादेन लिम्बुलाई स्थानीय सिजनेमा खोलाले बगाएर नजिकै रहेको तमोर नदीमा पु¥याई बेपत्ता भए ।तेह्रथुम आठराई गाउँपालिका सन्तोष तामाङ र रन्जित शेर्पालाई पनि तमोर नदिले बगाउँदा बेपत्ता भएका छन् । यो सँगै प्रदेश एकमा पानीमा ढुबेर ,खोलाले बगाएर र बाढी पहिरोको कारण ४८ जनाको मृत्यु भएको छ । गत चैत्र यता ४८ जनाको मृत्यु भएको प्रदेश प्रहरी कार्यलय विराटनगरको तथ्याकले देखाउँछ ।
सुनसरीमा पानीमा ढुबेर तथा बगाएर चैत्र यता ६ जनाको मृत्यु भएको सुनसरी प्रहरीले जनाएको छ । मृत्यु हुनेमा सेउती खोलामा धरानको रामबहादुर बस्नेतको लास भेटियो । त्यस्तै बुढी गाउँपालिकाका बब्लु भनिने बलराम ऋषिदेब घर नजिकैको खोलामा बेपत्ता भए उनी मृत भेटिएका छन ।
इनरुवाका रामलाल उराव पनि खोलामा ढुबेर मृत्यु भयो । देवागन्जकी लक्ष्मीकुमारी यादव,शिवराज मेहेता र करण श्रmषिदेवको मृत्यु भएको छ । आज बाढीमा परेर मृत्यु हुने सहित प्रदेश एकमा मृत्यु हुनेको संख्या ५१ जना पुगेको प्रदेश प्रहरी कार्यालय विराटनगरका प्रहरी प्रवक्ता एसपी दिपक पोखरेलले जनाए ।
