२०७७ श्रावण ५ सोमबार
काठमाडौं। सोमबार देशभर १ सय ८६ जना कोरोनाका संक्रमित थपिएका छन्। स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार विगत २४ घण्टामा सो संख्याका संक्रमित थपिएका हुन्। यीसँगै नेपालमा १७ हजार ८ सय ४४ जना संक्रमित भएका छन्।
विगत २४ घण्टामा विभिन्न अस्पतालबाट १ सय ७३ जना कोरोनामुक्त भएका छन्। नेपालमा अहिलेसम्म कोरोना मुक्त भइ डिस्चार्ज हुनेको संख्या ११ हजार ८ सय ६८ पुगेका छन्।
यस्तैगरी विगत २४ घण्टामा २७ प्रयोगशालाबाट ४ हजार २ सय १६ जनाको पीसिआर परीक्षण भएको मन्त्रालयले जनाएको छ। सोमबारसम्म मृतक ४० जनामा काेराेना पुष्टि भएकाे छ।
