१३ साउन २०७७, मंगलबार
मोरङ । मोरङको उर्लाबारी-३ मंगलबारे भएर बग्ने तेलि खाेलामा याेसेक क्लबकाे आयाेजना
बाढी नियन्त्रणको लागि दुई वटा स्पर निर्माण भएको छ ।
योसेक क्लबको आयोजनामा प्रहरीकाे साथी म, सशस्त्र प्रहरी उर्लाबारी र स्थानिय सहितकाे श्रम सहयाेगमा सोमबार ढुङ्गाको दुई वटा
स्पर बनाईएकाे क्लबका अध्यक्ष भीष्म बुढाथोकीले बताए ।
स्पर निमार्णको लागि जालि उर्लाबारी नगरपालिकाले उपलब्ध गराएका थिए भने ढुङ्गा सोही खोलाबाट निकालिएको थियो ।
बर्षातको कारण खोलामा बढेको बाढीले सिमलडाडा क्षेत्र जाेखिम बढ्दै गएको थियो । स्पर निर्माणपछि जोखिम कम भएकाे भन्दै स्थानिय टंक लिम्वुले बताए ।
स्पर निर्माणको लागि श्रमदान हर्नेहरूका निम्ति लायन्स क्लब अफ उर्लाबारीले चाउचाउ र पानी उपलब्ध गराएकाे थियाे ।
योसेक क्लब मोरङ जिल्लामा फुटबल क्लबको रुपमा स्थापित संस्था हो ।
प्रकृतिक बिपदको बेला यस्तै अभियान गर्दै आएको क्लबले अभियान जारि राख्ने सचिव बानु सुब्बाले बताए । स्पर निर्माणमा फुटबल खेलाडीहरुकाे समेत सहभागीता रहेकाे थियाे।
