साउथ सुपरस्टार प्रभासको नयाँ चलचित्र ‘आदिपुरुष’ घोषणा गरिएको छ । एक्सन ड्रामा थ्रिडीमा निर्माण हुने चलचित्र 'आदिपुरुष'लाई ‘तान्हाजी’ निर्देशक ओम राउतले निर्देशन गर्ने भएका छन्। चलचित्रमा प्रभासले मुख्य भूमिका निर्वाह गर्नेछन् ।
चलचित्र ‘आदिपुरुष’लाई बलिउड मिडियाले वर्षकै बहुप्रतिक्षित चलचित्र भनेका छन् । चलचित्रको लोगो पोस्टर पनि सार्वजनिक गरिएको छ । ‘बाहुबली’ फेम्ड प्रभासको चलचित्र ‘राधेश्याम’ छायांकनको क्रममा छ । उक्त चलचित्रमा प्रभाससँग पूजा हेगडेको पनि मुख्य भूमिका रहेको छ । यस्तै बलिउड सुपरस्टार दीपिका पादुकोणसँग पनि प्रभासले एक अनटाइटल चलचित्र गर्दैछन् ।
