शनिबार १३ भदौ, २०७७
राजेन्द्र महतो/रतोकलम
लहान भदौ १३ गते।सिरहामा कोरोना बाट मृत्यु भएकी लहान न. पा. -९ खुटीपारीका ६५ बर्शिय वृद को शव नेपाली सेनाले कार्यविधि अनुसार व्यवस्थापन गरेको छ।
सिरहाको श्री श्री गण चौहर्वाबाट खटिएको सेनाको टोलीले शुक्रबार राती १:३० बजे मृतकको शव लहान न. पा.-५ स्थित रहेको मुस्लिम समुदाय हरुको काव्रस्थान मा व्यवस्थापन गरेको हो।
विहिवार कोशी अस्पताल विराटनगरमा उपचार गराउन पुगेकी उनको को कोरोना परीक्षणमा पोजेटिभ आएको थियो । करिब चार घण्टा भेन्टिलेटरमा राखेर उपचार गर्दैगर्दा शुक्रबार मृत्यु भएको थियो ।
त्यस्तै कोरोना बाट मृत्यु भएको सिरहाको सुखीपुर नगरपालिका -८ का ६५ वर्षिय ग्यास ब्यापारीको शव सुखीपुर नगरपालिका -८ महदेवा स्थित रहेको गागैन खोलामा नेपाली सेनाले शव व्यवस्थापन गर्न खोज्दा स्थानीयले अबरुद्ध गरेपछि सुखीपुर नगरपालिका -३ स्थित श्री जनता माध्यमिक विद्यालय सुखीपुरको जग्गामा शव व्यवस्थापन गरेका छन। उनको वीपी कोइराला स्वास्थ्य विज्ञान प्रतिष्ठान धरानमा उपचारको क्रममा बिहीबार १९:३० बजे मृत्यु भएको थियोे ।
